Мектеп жасына дейінгі балалардың мазасыздығын жеңілдету үшін «5 сезім жаттығуы» ұсынылады. «5 сезім» жаттығуы – бұл стресстік күйде қазіргі уақыт және орын немесе денемен байланысты қалпына келтіру мақсатында қолданылатын психологиялық релаксация, тыныштандыру әдісі.
Қалай орындалады? Баладан келесі нәрселерді тізіп айтуын сұрау керек: 5 көру арқылы қабылданатын зат, 4 есту арқылы қабылданатын дыбыс, 3 денемен сезілетін зат, 2 иістік қабылдау, 1 дәм сезімі.

Бұл техника баланың назарын аудартып, санасын қазіргі сәтке бағыттауға көмектеседі. Бұл өз кезегінде бес сезім мүшесі арқылы: көру, есту, сипалау, иіс сезу және дәм сезу арқылы қорқынышты және алаңдатушы ойлардан арылуға мүмкіндік береді. Бұл жаттығу тек балалар үшін ғана емес, педагогтер үшін де пайдалы.