ӘДІСТЕМЕЛІК ҚҰРАЛДАР 5+
Мектепке дейінгі ұлттық құндылықтар негізінде тәрбие мен білім берудің «Negesh» инновациялық танымдық дамыту кешенінің
әдістемелік құралы (5 жастағы балалар)
5 жастағы балаларға арналған “Negesh” инновациялық танымдық кешені әдістемелік құралы мен жұмыс дәптерінен тұрады. Әдістемелік құрал Мектепке дейінгі тәрбие мен оқытудың мемлекеттік жалпыға міндетті стандартына және Мектепке дейінгі тәрбие мен оқытудың Үлгілік оқу бағдарламасына сәйкес әзірленген.
Әдістемелік құралда балаларда қазақ халқының ұлттық және отбасылық құндылықтарын, патриотизмді, Отанға деген сүйіспеншілікті, сондай-ақ қауіпсіз мінез-құлық дағдыларын қалыптастыруға арналған түрлі іс-әрекет түрлері (ойын, қозғалыс, танымдық, шығармашылық, зерттеушілік, еңбек) ұйымдастырылған.
Ұсынылған әдістемелік құрал 5 жасар балаларды жан-жақты дамытуға бағытталған кіріктірілген ұйымдасқан іс-әрекетті тиімді жүргізуге арналған нұсқаулық болып табылады.
ТАНЫМДЫҚ КЕЗЕҢ
5 жастағы бала «Ол кім? Бұл не? Қайда? Қашан? Қандай? Қалай? Қаншалықты? Неліктен? Неге?» деген сұрақтар арқылы өз күнделікті
іс-әрекетіне негізделіп, қоршаған орта құбылыстарын тәуелсіз талдауды үйренеді.
5 жастағы балаларға ұйымдастырылған іс-әрекеттен жыл соңында күтілетін нәтижелер
Әдістемелік құралда келесі мақсаттарды жүзеге асыруға бағытталған ұйымдастырылған іс-әрекет ұсынылады:
Тіл дамыту – балалардың коммуникациялық дағдыларын дамытуға бағытталған. Балалар бір-бірімен сөйлесу барысында өз ойлары мен сезімдерін еркін жеткізуді үйренеді.
Дыбыстар әлемі – балаларды дыбыстармен және әріптермен таныстырады, дұрыс дыбыстау мен жазу дағдыларын дамытады.
Қазақ ұлттық ойындары – бұл ойындардың көпшілігі 4-5 жастағы балаларға арналған, себебі осы жаста олар топта өзін-өзі тануға және рөлдік топтық ойындарға қатысуға психологиялық тұрғыдан дайын. "Negesh" кешенінде 60 түрлі ұлттық ойын қолданылады.
Қарапайым математика – балалардың танымдық және интеллектуалдық қабілеттерін дамытуға ықпал етеді.
Қоршаған орта – балалардың әлемге деген көзқарасын жас ерекшеліктерін ескере отырып жетілдіреді, оларды мектепке даярлайды.
Сергіту сәті (мектепке дейінгі тәрбие мен оқыту бойынша Үлгілік оқу бағдарламасындағы «Дене шынықтыру») – балалардың физикалық қасиеттерін дамытады.
Шығармашылық – балалардың зерттеу және шығармашылық дағдыларын дамытуға бағытталған.
Ертегі әлемі (мектепке дейінгі тәрбие мен оқыту бойынша Үлгілік оқу бағдарламасындағы «Әдебиет») – коммуникативтік дағдыларды дамытуға бағытталған.
Ойнайық, ойлайық – балалардың логикалық ойлауын дамытады, қызықты тапсырмаларды орындауға деген қызығушылықтарын арттырады.
Біз ұсынған әдістемелік материалдың кіріктірілген іс-әрекеттерді тиімді ұйымдастыруға және балаларды жан-жақты дамытуға көмектесетініне сенімдіміз.
Әдістемелік құралдағы тақырыптарымен төмендегі сілтеме бойынша танысуға болады.