17.02.2025
"Нұр Әлім" басшысымен кездесу

17 ақпанда "Нұр Әлім" балабақша-мектеп-гимназиясының басшысы Гүлсын Рахымжанқызы Орынбаевамен кездесу өтті. Өткен жылы балабақшада "Negesh" инновациялық кешенінің апробациясы сәтті аяқталды. Гүлсын Рахымжанқызы "Negesh" кешені тәрбиешілер үшін үлкен әдістемелік көмек болып табылатынын, ал балалар үшін қызықты әрі тартымды түрде өткізілетін сабақтар екендігін атап өтті. Сәуір айында "Нұр Әлім" балабақшасында "Negesh" кешенінің жаңа әзірлеме – Soft Skills қосымшасының апробациясы басталады. Қосымшада балаларды эмпатия, бейімделу, креативтілік, өзін-өзі бақылау және ынтымақтастық бойынша дамытуды көздейтін тапсырмалар қарастырылған.
Мектепке дейінгі жастағы балалар өз тұлғасын қалыптастыру және әлеуметтік бейімделу процесінде болады. Оларға өмірде және оқу барысында пайдасы тиетін, қоғамда сәтті бейімделуге көмектесетін Soft Skills дағдыларын дамыту өте маңызды.