9.03.2025
Ізгілік педагогика бойынша тренинг өткізілді

«Нұр Алим» балабақша-гимназия мектебінде педагогтерге арналған «Мектепке дейінгі тәрбие мен оқыту процесінде ізгілік педагогика әдіс-тәсілдерін қолдану» тақырыбында тренинг өткізілді.

Тренинг барысында педагогтер ізгілік педагогиканың негізгі идеяларымен, құндылықтарымен, әдістері мен тәсілдерімен танысты. Тренинг қырғыз педагогы Ғапыр Мадаминовтың «Көз, құлақ, жүрек, дүрбі» әдісімен басталды. «Біз сені күттік», «Бейнені аяқтау», «Бенефис» атты әдіс-тәсілдер қарастырылды. Тренингтің соңында педагогтер «Ата-аналарға хат» әдісі бойынша өздерінің жақындарына хат жазды.

Шалва Амоношвили: «Егер сенің тәрбиеңе бала тапсырылса, оны құстай қанатты қайтар» деген болатын. Ізгілік педагогика емдік болып табылады, себебі әрбір бала келісім, қуаныш, рухани ортақтық, махаббат пен құрмет аясында болады. «Біз бұл әдістерді қолданамыз», «Ізгілік педагогика – бұл махаббат, бұл өмір, бұл біздің жұмысымыз!», «Мен міндетті түрде ізгілік педагогика туралы оқимын», – деп бөлісті педагогтер.

Педагогтерге ізгілік педагогика бойынша қажетті әдебиеттер мен пайдалы сілтемелер ұсынылды.