Мектепке дейінгі ұлттық құндылықтар негізінде тәрбие мен білім берудің «Negesh» инновациялық танымдық дамыту кешенінің жұмыс дәптері (2 жастағы балалар)

2 жастағы балаларға арналған жұмыс дәптері төрт тапсырмадан тұрады, олар баланың тілін дамытуға, өзін-өзі тануына, саусақтар мен дене жаттығуларын үйренуге және заттарды тануға бағытталған.
1.Кел сөйлесейік
Жаттығуларды орындаймыз және балалардың коммуникативті дағдыларын дамытамыз.

2.Менің әлемім
«Менің әлемім» бөліміндегі тапсырмалар баланың өзін түсінуіне, танып білуіне және өз-өзін сезінуіне, сондай-ақ әлеуметтік-эмоционалды дағдыларын қалыптастыруға бағытталған.

3.Сызықты жалғастырып сыз.
Тапсырманы орындау барысында балалар сызықтарды алдымен ауада саусақтарымен сызады, кейін сызықтарды саусақтарымен жұмыс дәптерінде сызады. Бұл балалардың жазуға дайындалуына көмектеседі.

4.Пішіні, көлемі, түсі
Балалар заттардың пішіні, көлемі, түсін ажыратуды үйренеді. Бұл Мектепке дейінгі тәрбие мен оқытудың Үлгілік оқу бағдарламасының «Сенсорика» бөліміне сәйкес келеді және баланың танымдық әрі зияткерлік қабілеттерін дамытады.

Жұмыс дәптеріндегі тапсырмалармен төмендегі сілтеме бойынша танысуға болады.