Мектепке дейінгі ұлттық құндылықтар негізінде тәрбие мен білім берудің «Negesh» инновациялық танымдық дамыту кешенінің жұмыс дәптері (3 жастағы балалар)

3 жастағы балаларға арналған жұмыс дәптері төрт тапсырмадан тұрады

1.Кел сөйлесейік 
Сіздер білетіндей, үш жасар балалар айналасындағы нәрселерге қызығушылық танытып, эксперимент жасағанды ұнатады. «Кел сөйлесейік» бөлімінде тәрбиеші жұмыс дәптеріндегі суреттер бойынша балаларға сұрақтар қояды. Балалар сұрақтарға ашық жауап береді. Жауап бере отырып, олар өз ойларын еркін білдіруге, сөздерді ажырата білуге үйренеді. Сондай-ақ, қайталау тапсырмаларын орындайды. Тәрбиешінің міндеті — баланы ынталандыру, мақтап, оның еңбегін бағалау.

2.Менің әлемім
«Менің әлемім» бөлімінде біз үш жасар баланы қоршаған ортадағы өзгерістердің оның күнделікті өмірімен қалай байланысты екенін сипаттауға үйретеміз және жаңа ақпаратты тануға деген қызығушылығын қалыптастырамыз.

3. Сызықты жалғастырып сыз 
Оқу жылының басында біз үш жасар балаларға саусақтарымен нүктелі сызықтармен жүргізуді үйретеміз. Жылдың соңында олар нүктелі сызықтарды қарындашпен жүргізуді меңгереді. Нүктелі сызықтарды жүргізе отырып, балалар ұқыптылыққа, еңбексүйгіштікке және зейін қойып жұмыс істеуге үйренеді. Бұл тапсырмалардың негізгі мақсаты — саусақтың ұсақ моторикасын дамыту.

4.Пішіні, өлшемі, түсі
Үш жасар балалар пішін, өлшем және түспен байланысты ұйымдастырылған іс-әрекетті қызығушылықпен қабылдайды. 3 жастағы бала өзінің күнделікті өміріндегі заттарды салыстырып, қажеттісін таңдай білуге үйренеді.