Мектепке дейінгі ұлттық құндылықтар негізінде тәрбие мен білім берудің «Negesh» инновациялық танымдық дамыту кешенінің жұмыс дәптері (4 жастағы балалар)

4 жастағы балаларға арналған жұмыс дәптері бес тапсырмадан тұрады

1.Кел сөйлесейік 
«Кел сөйлесейік» бөлімі баланың тіл мәдениетін, суреттер бойынша әңгімелер құрастыру дағдыларын дамытуға, сондай-ақ сөздерді байланыстырып сөйлеу дағдыларын қалыптастыруға бағытталған. Тапсырмалар балалардың коммуникативті дағдыларын жетілдіруге арналған. 

2.Менің әлемім
«Менің әлемім» бөлімінде 4 жасар бала өзінің күнделікті әрекеттері арқылы қоршаған әлемнің құбылыстарын зерттеуді үйренеді және оларды өз бетінше қайталауға тырысады. Осылайша, балалардың әлеуметтік-эмоционалды дағдылары дамиды.

3.Сызықты жалғастырып сыз
«Сызықты жалғастырып сыз» бөліміндегі тапсырмаларды орындау арқылы біз 4 жасар балаларды ұқыптылыққа және еңбекқорлыққа үйретеміз. Тапсырмалардың мақсаты: қол моторикасын дамыту. Жазуды дұрыс үйрену үшін балалар педагогтің түсіндірмесінен кейін көздерін жұмып ауада саусақтарымен жазады. Содан кейін педагогтің нұсқауларын орындай отырып, дәптерде көрсетілген нүктелі сызықтарды ұқыпты сызады.

4.Сандар, пішіндер, түстер
Балалар сандар, пішіндер және түстер арқылы кеңістікті, бағытты анықтауға үйренеді. Олар оң және сол, жоғары және төмен, алыс және жақын сияқты ұғымдарды салыстырады.

5.Ойнайық, ойлайық  
«Ойнайық, ойлайық» бөлімінде балалар логикалық тапсырмаларды орындайды. Олар графомоторика, лабиринттерді өту, сызықтарды қосу, көлеңкелерді табу және оларды салыстыру, айырмашылықтарды іздеу сияқты тапсырмалармен танысады.