Мектепке дейінгі ұлттық құндылықтар негізінде тәрбие мен білім берудің «Negesh» инновациялық танымдық дамыту кешенінің жұмыс дәптері (5 жастағы балалар)

5 жастағы балаларға арналған жұмыс дәптері бес тапсырмадан тұрады:

1.Тіл дамыту
«Тіл дамыту» бөлімінде бала тіл мәдениетін, сөздерді байланыстырып сөйлеуді, сурет бойынша әңгіме құрастыруды, диалог құруды және сұрақтарға толық жауап беруді үйренеді.

2.Дыбыстар әлемі
«Дыбыстар әлемі» бөлімінде балалар дыбыстар мен әріптермен танысады. Олар каллиграфия талаптарына сәйкес әріптерді жазу үшін қолды жаттықтырады. Сондай-ақ, балалар әріптердің дұрыс айтылуын үйреніп, дауысты және дауыссыз дыбыстармен танысады.

3.Қарапайым математика 
«Қарапайым математика» бөлімінде балалар сандармен және олардың жазылуымен танысады. Олар тура және кері санауды үйреніп, қосу және азайту амалдарын орындайды. Сондай-ақ, балалар қарапайым есептер мен логикалық тапсырмаларды орындайды.

4.Қоршаған орта
«Қоршаған орта» бөлімінде бала табиғат пен табиғат құбылыстарымен танысады, оларды ажыратуды үйренеді. Сонымен қатар, ол «жақсы-жаман», «пайдалы-зиянды» ұғымдарын түсінеді. Тапсырмалардың мақсаты — балалардың ойлау қабілетін, кеңістіктік қиялын дамыту, мақсат қоюды және оған жетуді үйрету.

5.Ойнайық, ойлайық
«Ойнайық, ойлайық» бөлімінде балалар логикалық тапсырмаларды орындайды. Олар графомоторика, лабиринттер, сызықтарды қосу және басқа да тапсырмалармен танысады. Балалар тапсырмаларды өздігінен орындауды үйренеді.